Ekspozohen të dhënat personale të mbi 17 milionë përdoruesve të Instagramit

Një shkelje e të dhënave në Instagram thuhet se ekspozoi të dhënat personale të 17.5 milionë përdoruesve.

Siç u zbulua nga Malwarebytes, rrjedhja e supozuar përfshin emra përdoruesish, adresa email-i, numra telefoni dhe më shumë.

Kompania shtoi se “të dhënat janë të disponueshme për shitje në rrjetin e errët dhe mund të abuzohen nga kriminelët kibernetikë”.

Malwarebytes vuri në dukje në një email drejtuar klientëve të saj se zbuloi shkeljen gjatë skanimit të saj rutinë të rrjetit të errët dhe se kjo është e lidhur me një incident të mundshëm që lidhet me një ekspozim ndaj API-t të Instagram-it nga viti 2024.

Shkelja e raportuar ka rezultuar në marrjen e disa email-eve nga Instagram-i nga përdoruesit, në lidhje me kërkesat për rivendosjen e fjalëkalimit.

Sipas Malwarebytes, informacioni i rrjedhur mund të çojë në sulme më serioze, si përpjekje për phishing ose marrje nën kontroll të llogarive.

Meta nuk ka lëshuar një deklaratë zyrtare në lidhje me incidentin e fundit, por nuk është hera e parë që kompania mëmë e Instagram-it ka qenë në vështirësi për shkelje të të dhënave.