Ekstradohet nga Belgjika i dyshuari për vrasjen e Ermal Kamberajt
Sot është ekstraduar nga Belgjika shtetasi kosovar S.I, 39 vjeçar, i cili dyshohet për vrasjen e rëndë e cila ka ndodhur me datën 05.05.2017, në një kafene në Mitrovicë, ku i njëjti dyshohet që e ka privuar nga jeta të riun E.K, dhe nga kjo ditë ka qenë në arrati deri sot kur edhe është bërë ekstradimi i tij nga Belgjika.
Me veprimet e tij i dyshuari dyshohet se ka kryer veprat penale “vrasje e rëndë” nga neni 179 paragrafi 1, pika 1.5 të KPRK, dhe “mbajtjen në pronësi, kontroll ose posedim të pa-autorizuar të armëve” nga neni 374 paragrafi 1 të KPRK.
Indeksonline muaj më parë pati raportuar me flet-arrest ndërkombëtar, me bashkëpunim të autoriteteve kosovare i dyshuari Sadik Bajrami ishte arrestuar në Belgjikë.
I njëjti sot është ekstraduar në Kosovë.
I ndjeri, Kamberaj – 24-vjeçar punonte si menaxher në lokalin
“Check-in”./Indeksonline/