13:28 / E Diele, 20 Nëntor 2022 / Gj. Sh
”El Clasico” e basketbollit kosovar zhvillohet sot në Prishtinë
Derbi mes Prishtinës e Trepçës i njohur si ”El Clasico” kosovar do të zhvillohet sot në kryeqytet, në kuadër të xhiros së 11-të.
Me fillim nga ora 17:00, në Pallatin e Rinisë dhe Sporteve që pritet të jetë i mbushur plotë, do të zhvillohet takimi i dytë për këtë vit mes rivalëve.
Takimin e parë e ka fituar Trepça me rezultat 80:75.
Deri në xhiron e 11-të, prishtinasit kanë gjashtë fitore e katër humbje, kurse mitrovicasit kanë gjashtë fitore e tri humbje.
