Elezi: Një ditë para përfundimit të afatit numri i votuesve jashtë Kosovës arrin mbi 36 mijë

Kur kanë mbetur më pak se 24 orë deri në përfundimin e afatit për regjistrimin e votuesve jashtë Kosovës për votim me postë në zgjedhjet lokale të 12 tetorit, numri i shtetasve të Kosovës që janë regjistruar deri tani ka shkuar mbi 36 mijë.

Të dhënat e fundit nga procesi i regjistrimit të votuevse jashtë Kosovës, i cili ka filluar më 23 qershor dhe përfundon më 29 gusht (ora 23:59) janë bërë të ditura nga zëdhënësi i KQZ-së, Valmir Elezi.

“Nga data 23 korrik dhe deri më 29 gusht 2025 (ora 09:00), përmes platformës elektronike https://diaspora.kqz-ks.org janë pranuar 44,707 aplikime për regjistrim për votim me postë, prej të cilave janë aprovuar 36,299, ndërkaq janë refuzuar 7,945”, ka bërë të ditur Elezi.

Sipas të dhënave të KQZ-së, komunat me numrin më të madh të votuesve të regjistruar nga jashë Kosovës, nga mbi 2 mijë sosh, janë: Suhareka (2,759), Gjakova (2,697), Deçani (2,078) dhe Klina (2,009).

Ndërkaq, sipas KQZ-së, Gjermania me 17,131 dhe Zvicra me 8,862 janë shtetet me numrin më të madh të votuesve të regjistruar për votim me postë nga jashtë Kosovës.

 Kjo është tabela e përditësuar nga KQZ-ja më 29 gusht 2025, në orën 09:00: