Eliza Dushku fiton 9.5 milionë dollarë pas denoncimit të ngacmimit seksual

Pak ditë më parë, Eliza Dushku fitoi rreth $9.5 milion nga rrjeti televiziv CBS. Kjo për shkak se Dushku u ankua për ngacmim seksual në sheshxhirimin e serialit “Bull” dhe më pas roli i saj u përjashtua. Tani që ka kaluar më shumë se një javë nga kjo ngjarje, aktorja me origjinë shqiptare është gati të tregojë versionin e saj të historisë.

Dushku është shprehur se nuk bëhet fjalë as për një thashethem dhe as për një mungesë humori nga ana e saj. Ngacmimet kundrejt saj ishin faktike pasi gjithçka ishte filmuar në kamerat e televizionit.

“U punësova aty, nuk doja të ngacmohesha seksualisht! Për të dalë i larë, ai tha që nuk di të mbaj shaka.”-tregon ajo duke shtuar se vetë është rritur në një ambient me tre vëllezër dhe gjithë jetën ka punuar me producentë, por kurrë s’ka patur incidente të tilla. Protagonisti i serialit, Michael Weatherley duket se kishte kaluar çdo limit.

Komentet për “një treshe me të” apo mënyra se si në vend të emrit i drejtohej me termin “këmbët” bënë që aktorja që heqë dorë nga projekti dhe t’i shkojë kësaj çështjeje gjer në fund.

Dushku tregoi se edhe pse e kishte paralajmëruar disa herë për besdinë që i krijonte gjuha e tij, si rezultat mori vetëm pushimin nga puna. Ajo shtoi se Weatherley përmendtte shpesh faktin se ishte mik me drejtorin e rrjetit televiziv. Situata agravoi derisa Eliza e pa të arsyeshme që kjo çështje të zgjidhej në mënyrë ligjore.