Eliza Dushku feston, sot, ditëlindjen, ja sa vjeçe është!

Eliza Patrica Dushku lindi më 30 dhjetor 1980 në Boston. Ajo ka lindur nga një baba me origjinë shqiptare dhe nga një nënë daneze.

Në moshën 12-vjeçare, nis karrierën në kinema. Eliza Dushku është zbuluar pas pesë muajsh kërkime nëpër Shtetet e Bashkuara për të luajtur rolin e Alices kundër Juliette Lewisit në filmin “That Night”.

Ka luajtur në shumë filma me aktorë të njohur si: Robert De Niro, Arnold Schwarzenegger, Ellen Barkin, Leonardo DiCaprio, James Belushi, Paul Reiser etj.

Eliza (39) ka studiuar për piano, bateri dhe balet. Por ajo do të bjerë në sy pikërisht në filmin ”True Lies”, ku luan përkrah aktorit Arnold Schwarzenegger, atëherë kur ishte vetëm 14-vjeçe.

Ndërsa në moshën 18-vjeçare ajo është një yll i ekranit të madh dhe i propozohet roli i Faith në serinë “Buffy the Vampire Slayer”. Fillimisht ajo do të merrte pjesë në pesë episode, por producentja vendosi, që seritë të zgjasnin. Por ky film i dha asaj emrin “Bad Girl”.

Ajo është ftuar edhe në Shqipëri, ku është kthyer në një lloj simboli kombëtar, duke qenë shqiptaro-amerikanja më e famshme (në fakt gjysmë shqiptare, pasi nëna e vet është daneze), si aktore, pas vëllezërve Belushi.