Elton John: Të jem i sinqertë, s’ka mbetur shumë nga unë

Elton John mori pjesë në premierën e tij: Never Too Late në Festivalin e Filmit në Nju Jork. Ai ka folur për gjendjen e tij shëndetësore, me të cilën ka pasur disa probleme së fundmi.

Ai bëri shaka duke thënë se “nuk ka mbetur shumë prej tij”, sepse i mungojnë disa organe që iu hoqën pas operacioneve, shkruan “Daily Mail”, transmeton Indeksonline.

“Të jem i sinqertë me ju, nuk më ka mbetur shumë. Nuk kam bajame dhe prostatë. Nuk kam kofshë të djathtë, as gjurin e majtë dhe as gjurin e djathtë. Në fakt, e vetmja gjë që kam majtas është ija ime e majtë, por unë jam ende këtu dhe nuk mund t’ju falënderoj sa duhet, ju jeni ata që më keni bërë mua.

Në festivalin e filmit, ai gëzoi të gjithë fansat e pranishëm me aftësitë e tij të jashtëzakonshme vokale, si dhe luajti edhe në piano. Së fundmi ai përfundoi turneun e tij lamtumirës dhe tani ka shpjeguar vendimin e tij për të mos performuar më. /Indeksonline/