Emërohen përzgjedhësit e ri në përfaqësueset e Kosovës, në basketboll
Bordi i Federatës së Basketbollit të Kosovës (FBK) në mbledhjen e mbajtur më 18.11.2019 në Prishtinë ka shqyrtuar disa çështje aktuale në basketbollin kosovar dhe ndër të tjera ka marrë këto vendime:
REND DITE
- I ka miratuar kalendarët e garave të të gjitha të ligave të FBK-së për stinorin pranveror;
- E ka miratuar miniafatin kalimtar dimëror (02.01.2020 – 10.01.2020 në ora 16:00);
- Ka vendosur të aplikojë në FIBA Europe për organizimin e FIBA Potential National Referee Clinic;
- E ka miratuar Rregulloren për agjentë -kompani të kontratuara për sponsorim;
- E ka miratuar projektin për Qendrën Kombëtare të Basketbollit të Kosovës dhe Akademive të Basketbollit dhe e ka autorizuar sekretaren e përgjithshme të FBK-së për të përgatitur ndryshimet statutare për kuvendin e radhës të punës të FBK-së për të përfshirë QKB-në në statut;
- Ka vendosur të propozojë në programin e ri FIBA Europe TIME OUT 2.0, Drejtorin e përfaqësueseve të Kosovës, Granit Rugova, Menaxheren e zyrës, Artina Hasani dhe zyrtaren administrative, Edita Medunjanin;
- I ka emëruar përzgjedhësit e përfaqësueseve të reja të Kosovës:
Mark Rodiqi – Kosova U20 (Meshkujt)
Bekim Maxhuni – Kosova U18 (Meshkujt)
Dritëro Sefaja – Kosova U16 (Meshkujt)
Furkan Sagklik – Kosova U20 (Femrat)
Edin Kërveshi – Kosova U16 (Femrat) - I ka miratuar propozicionet e garave të Kupës së Kosovës për kategoritë e reja;
- Ka vendosur që Kuvendi i Punës së FBK-së të mbahet në Prishtinë në fund të muajit shkurt 2020;