Emiliano Martinez vazhdon të tallet me Kylian Mbappe

Është e drejtë të thuhet se portieri i Argjentinës Emiliano Martinez po kënaqet duke u tallur me Kylian Mbappe.

Duke u tallur tashmë me fituesin e këpucëve të arta të Kupës së Botës gjatë festimeve në dhomën e zhveshjes së Argjentinës pas finales së së dielës, portieri i Aston Villa ka vazhduar me talljet e tij në paradën e autobusëve të hapur në Buenos Aires të martën.

Gjatë festimeve, ai u fotografua me një kukull e cila kishte një prerje të fytyrës së Mbappes në të.

Armiqësia nga Martinez buron nga komentet që Mbappe bëri para Kupës së Botës.

“Kur të arrijmë në Botëror jemi gati, ndërsa Brazili dhe Argjentina nuk e kanë këtë nivel në Amerikën e Jugut. Futbolli nuk është aq i avancuar sa në Evropë. Kjo është arsyeja pse në Kupat e Botës së fundit, janë gjithmonë evropianët ata që fitojnë” ka thanë Mbappe.

Martinez ishte i pakënaqur me komentet e francezit dhe u përgjigj me energji.

“Ai nuk di mjaftueshëm për futbollin. Ai kurrë nuk ka luajtur në Amerikën e Jugut. Kur nuk e keni këtë përvojë, mund të jetë më mirë të mos flisni për të. Por nuk ka rëndësi. Ne jemi një skuadër e shkëlqyer dhe jemi të njohur si të tillë.” tha portieri argjentinas. /IndeksOnline/