Emily Blunt reagon ashpër kundër aktorës së krijuar me inteligjencë artificiale

Një aktore e krijuar me inteligjencë artificiale, e quajtur Tilly Norwood, ka shkaktuar trazira pasi krijuesit e saj holandezë thanë se interpretuesi sintetik është në bisedime me agjenci talentesh.

Norwood mund të ngatërrohet me një aktore të re dhe aspirante po t’i shikosh rrjetet e saj sociale.

Por, Hollivudi nuk po i shtron tapetin e kuq!

Sindikata e fuqishme e aktorëve e ka dënuar krijimin, së bashku me yje të mëdhenj si Emily Blunt, Natasha Lyonne dhe Whoopi Goldberg, shkruan BBC.

“Norwood nuk është aktore, është një personazh i gjeneruar nga një program kompjuterik i cili është trajnuar mbi punën e interpretuesve të panumërt profesionistësh”, tha në një deklaratë Screen Actors Guild-American Federation of Television and Radio Artists, ose SAG-AFTRA.

“Nuk ka përvojë jetësore nga e cila të nxirret, asnjë emocion dhe, nga ajo që kemi parë, audienca nuk është e interesuar të shikojë përmbajtje të gjeneruar nga kompjuteri të palidhur me përvojën njerëzore”, tha sindikata.

Aktori i inteligjencës artificiale u krijua nga aktorja dhe komediania holandeze Eline Van der Velden, e cila thuhet se tha se donte që Norwood të bëhej “Scarlett Johansson e ardhshme”.

Por, aktorja Emily Blunt, duke folur në një podcast me Variety, tha se krijimi ishte i tmerrshëm.

“Kjo është një inteligjencë artificiale? Zot i madh, jemi të shkatërruar”, tha aktorja e nominuar për çmimin Oscar kur iu tregua një video e Norwood.

“Kjo është vërtet, vërtet e frikshme. Hajdeni, agjenci, mos e bëni këtë. Ju lutem ndaloni. Ju lutem ndaloni së na e keni prishur lidhjen njerëzore” u shpreh Blunt.