Enrique: Ne respektojmë vendimin e Traores

Trajneri i Spanjës Luis Enrique shpreson se Adama Traore do të marrë vendimin e duher se për cilën Kombëtare të luaj.

Sulmuesi i Wolves, Traore është në një situatë të vështirë, pasi Spanja dhe Kombëtarja e Malit të Afrikës e kanë ftuar atë për ndeshjet e Ligës së Kombeve, shkruan IndeksOnline

Tekniku i Spanjës thotë se Traore duhet të vendos për cilin Kombëtare të luaj, pasi të Spanja është hera e tretë që ai ftohet dhe si shkak i dëmtimeve nuk ka zhvilluar ende paraqitje.

“Për Adama Traoren kjo është thirrja e tretë nga Kombëtarja e Spanjës”, tha fillimisht Enrique.

“Shpresoj se ai mund të debutojë me Spanjën dhe është ai që duhet të vendosë. Ne e respektojmë vendimin e tij”, tha ai.

Por, Traoren e mundon fakti se të dy prindërit e tij janë nga Mali i Afrikës, dhe ai tashmë duhet të bëjë një zgjedhje të veshtirë.

Kujtojmë se Spanja do t’i zhvillojë tri ndeshjet të tetorit, ndaj Portugalisë, Zvicrës dhe Ukrainës.