Eriksen mund të luaj edhe me aparatin ICD? Ky është futbollisti që ka pothuajse të njëjtin problem
Christian Eriksen, futbollisti i Interit pritet që së shpejti t’i nënshtrohet një operacioni – ku do t’i vendoset një ICD.
Sot gjatë ditës mjeku i Kombëtares së Danimarkës, Morten Boesen dha lajmin se Eriksen pritet t’i nënshtrohet një operacioni për vendosje të pajisjes ICD, shkruan IndeksOnline
Çka është ICD?
Ajo vendoset nën lëkurë. Telat e hollë lidhen me ICD-n dhe zemrën. Nëse zbulohet një ritëm jonormal i zemrës, pajisja do të jap një goditje elektrike për t’ia rikthyer rrahjet normale.
Update regarding Christian Eriksen.
— DBU – En Del Af Noget Større (@DBUfodbold) June 17, 2021
Danish version in next tweet. pic.twitter.com/a4Ra97xUXP
Si shpëtoi futbollisti?
Eriksen pati një sulm në zemër gjatë ndeshjes (të shtunën e kaluar) Finlandë – Danimarkë, e vlefshme për Kampionatin Europian EURO20.
Ai shpëtoi falë intervenimit të stafit mjekësor, të cilët ia rikthyen jetën.
Por, a mund të luaj futboll Eriksen?
Një pyetje që ka nisur të bëhet nga adhuruesit e futbollit. Dhe mund ta ketë një përgjigje si ‘PO’ – ai mund të luaj edhe me aparatin ICD në zemër. Madje, një futbollist aktiv luan me pajisjen S-ICD që është pak më ndryshe se ICD. Bëhet fjalë për mbrojtësin holandez, Daley Blind.
Dat is niet goed. #blind #ajaher pic.twitter.com/Ro8zU3gcPo
— iKees (@arends_kees) August 25, 2020
Futbollisti i Ajaxit gjatë vitit 2020, pati një moment të sikletshëm në fushë – pasi ishte pajisja ICD ajo që u aktivizua me një ‘goditje’ dhe se lojtari u shtri në tokë duke e mbajtur zemrën me dorë.
Pra edhe Erikseni mund të vazhdoj të luaj futboll. Vetëm se duhet pritur edhe përgjigja përfundimtare e mjekëve./IndeksOnline/
