Eriksen shprehet i gatshëm të luajë në Kupën e Botës në Katar

Christian Eriksen ka thënë se synon të luajë për Danimarkën në Kupën e Botës 2022 në Katar dhe se zemra e tij nuk është pengesë.

“Qëllimi im është të luaj në Kupën e Botës në Katar. Unë dua të luaj. Ky ka qenë qëllimi im gjatë gjithë kohës”, tha lojtari.

Eriksen pësoi një arrest kardiak në ndeshjen hapëse të grupit të Danimarkës në Euro 2020 kundër Finlandës, dhe më vonë iu vë një defribilator.

“Është një gol, një ëndërr, nëse nuk do të zgjidhem është tjetër gjë. Por është ëndrra ime të kthehem”.

Ish-mesfushori i Tottenhamit nuk ka luajtur që nga incidenti, por është i bindur se është në gjendje të rikthehet në skenën më të madhe në fund të këtij viti.

“Jam i sigurt që mund të rikthehem sepse nuk ndihem ndryshe. Fizikisht jam kthyer në top formë”, u shpreh ai.

“Ky ka qenë qëllimi im, dhe ka ende pak kohë, kështu që deri atëherë do të luaj futboll dhe do të dëshmoj se jam kthyer në të njëjtin nivel”.