Eshtrat e gjetur nuk ishin të Mulla Idriz Gjilanit (Video)
Isa Idrizi ka gjashtë vjet që jetonte me shpresën se vetë do t’i varroste eshtrat e babait të tij.
Besimi për këtë iu shtua prej 2011-ës, kur në kodrën e Gllamës, në fshatin Stanishor u gjetën mbetje mortore që u tha se i takonin Mulla Idriz Gjilanit.
Por, diçka e papritur i ndodhi atij dhe familjes, pak ditë më parë, njofton Klan Kosova.
Analiza e ADN-së dha një rezultat të dhimbshëm pasi eshtrat e gjetur më 2011 nuk dolën të jenë të Mulla Idrizit.
Ekspertiza e Agjencionit të Forenzikës gjeti mospërputhje ndërmjet mostrave të mbetjeve të paidentifikuara, që deri tash besohej se i takonin heroit, dhe atyre të djalit të tij, Isait.