12:21 / E Hënë, 17 Shkurt 2020

Ekspertët: Seksi oral ka rritur rastet e kancerit tek njerëzit

Seksi oral është duke shkaktuar një rritje të rasteve të kancerit, paralajmërojnë ekspertët.

Ekziston një dëshmi se rritja e kancerit është shkakatuar nga infeksioni i papillomavirusit njerëzor (HPV) në gojë – e cila është përhapur nga seksi oral.

Rreth një në katër kancere në gojë dhe një në tre kancere në fyt janë të lidhura me HPV, por në pacientët e rinj shumica e kancereve të fytit tani janë të lidhura me HPV.

Anna Middleton, drejtuese higjieniste dentare dhe themeluese e London Hygienist, thotë: “Ka fakte të thella për rritjen e kancerit të gojës, veçanërisht te të rinjtë, të shkaktuar nga HPV. Njerëzit duhet të jenë të vetëdijshëm kur përfshihen në aktivitete seksuale dhe të marrin masat e duhura”.

HPV kalohet midis njerëzve përmes kontaktit të lëkurës në lëkurë dhe kontaktit seksual.

Shenjat e HPV dhe kancerit oral

HPV nuk ka simptoma, kështu që mund të mos e dini nëse i keni dhe është jashtëzakonisht e zakonshme.

Në fakt, shumica e njerëzve marrin një lloj HPV në jetën e tyre.

Për gratë testimi i HPV është pjesë e shqyrtimit të qafës së mitrës, nuk ka asnjë test gjaku për HPV. Prandaj, nëse shqetësoheni, sigurohuni që të këshilloheni me mjekun tuaj për këshilla mjekësore.

Nëse jeni të shqetësuar për kancerin oral, Anna ndan shenjat paralajmëruese dhe gjërat që duhet të kujdeseni:

1. Arna në gjuhën tuaj

Një copë e bardhë ose e kuqe brenda gojës ose gjuhës suaj mund të jetë një shenjë e mundshme e kancerit oral.

Nëse këto arna zgjasin më shumë se tre javë, duhet të shkoni tek dentisti juaj.

Këto arna shpesh janë pa dhimbje dhe të padëmshme, por mund të jenë edhe prekancerozë.

2. Ulçera që nuk shërohen

Ulçera e gojës janë plagë të dhimbshme që shfaqen në gojë.

Megjithëse janë plagë dhe mund të shkaktojnë siklet, ata zakonisht pastrohen vetë brenda një javë apo më shumë.

Sidoqoftë, nëse ulçera në gojë vazhdon të përkeqësohet, ose nuk është bërë më mirë për më shumë se tre javësh, mund të jetë një shenjë e kancerit oral.

Ulçera të shkaktuara nga kanceri i gojës kanë tendencë të shfaqen në ose nën gjuhë, por ju mund t’i merrni ato edhe në zona të tjera të gojës tuaj.

3. Një ënjtje në gojën tuaj

Nëse vëreni një ënjtje në gojën tuaj e cila ka qenë atje për më shumë se tre javë, ia vlen ta kontrolloni. Papillomavirusi njerëzor mund të shkaktojë rritje në gojën tuaj.

Këto nuk kanë tendencë të shkaktojnë dhimbje, por pasi të zbulohen duhet të trajtohen dhe hiqen në mënyrë që të mos çojnë në kancer oral.

Rregulli i përgjithshëm është që nëse diçka duket jonormale dhe zgjat më shumë se 3 javë, kërkoni kujdes mjekësor.

4. Dhimbje kur gëlltitet

Ka shumë shkaqe për dhimbjet në fyt. Mund të jetë një infeksion, ftohjes ose sinusit. Nëse keni enjte dhe dhimbje për një kohë të gjatë mund të jetë një simptomë e kancerit oral.

5. Një gungë në fyt

E njohur ndryshe si ‘globus pharyngeus’, është ndjenja kur nuk jeni në gjendje të hiqni një gungë në fyt, ose ndjehet sikur diçka ka ngecur atje, por nuk ka ndonjë pengesë aktuale.

Në mënyrë tipike, kanceri i gojës dhe fytit ndodh tek ata që kanë faktorë rreziku, siç është pirja e duhanit, alkooli ose një histori e HPV.