14:24 / E Shtunë, 19 Shkurt 2022 / B O
F1, Mercedes prezanton makinën e “hakmarrjes”
Mercedes W13 hyn në skenë. Për herë të parë që nga viti 2013, skuadra britanike prezanton makinën e re jo për të mbrojtur titullin kampion për pilotë, por për ta rifituar atë.
Kjo njëvendëshe është rezultati i disa muajve punë të inxhinierëve më të mirë, të cilët kanë qenë të etur për hakmarrje, pas garës së fundit të Botërorit të kaluar, që i dha Max Verstappenit titullin kampion në xhiron e fundit.
Ndryshimi më i dukshëm është rikthimi në ngjyrën e argjendtë, pas disa vitesh të kaluara me të zezë.
Pasi tha se do të mendohej pas humbjes së titullit, 37-vjeçari Lewis Hamilton tha gjatë prezantimit të makinës së tij të re: “Vendosa që do të kthehem në sulm, bashkë me Toto Wolff dhe shokun e ri të skuadrës, George Russell”.
