10:58 / E Enjte, 14 Shkurt 2019

Fajon shpreson që dialogu Kosovë-Serbi dhe liberalizimi i vizave do të zgjidhen brenda këtij mandati

Raportuesja për Kosovën si dhe eurodeputetja, Tanja Fajon shpreson që dialogu në mes Kosovës dhe Beogradit, si dhe liberalizimi i vizave të jenë dy procese që do të zgjidhen brenda këtij mandati.

“Unë me të vërtetë shpresojë që të dyja –Dialogu mes Beogradit dhe Prishtinës dhe vizat për qytetarët e Kosovës të zgjidhen në këtë mandat. Në vend të kësaj, të dyja janë ende të bllokuara”, ka thënë Fajon, transmeton Indeksonline.

Tutje e njëjta u bën thirrje të gjithë përgjegjësve që të veprojnë në zgjidhjen e këtyre dy proceseve.

Këtë deklarim Fajon e ka bërë në Strasburg, përderisa duhet përkujtuar që dialogu Kosovë-Serbi nuk është duke vazhduar si dhe liberalizimi i vizave ka kohë që mbetet vetëm shpresë e qytetarëve kosovarë./Indeksonline/