14:57 / E Mërkurë, 23 Shtator 2020

Fansat kërkojnë që Rihanna të zëvendësojë Mbretëreshën Elizabetë, e ‘nominojnë’ për kryetare të Barbadosit

“Është koha që mbretëresha e ligjshme të ulet në fronin e saj.”

Sapo Barbados njoftoi planet të martën e kaluar për të hequr monarkun britanik si kreun e tij të shtetit, disa tifozë në mediat sociale treguan atë që ata mendonin se do të ishte një zëvendësim i përshtatshëm – Robyn Rihanna Fenty.

Tifozët po bëjnë thirrje që këngëtarja të zëvendësojë Mbretëreshën Elizabeth II si kreu i shtetit të Barbados mes përpjekjes së ishullit për t’u bërë një Republikë në vitin 2021.

Megjithëse Barbados fitoi pavarësinë nga sundimtari i tij kolonial dekada më parë, ai qëndroi i lidhur me monarkinë, me Mbretëreshën Elizabeth II si sundimtare e saj ligjore dhe praktike – por jo-politike, transmeton Indeksonline.

Një fjalim i shkruar nga Kryeministrja Mia Mottley dhe lexuar nga Guvernatorja e Përgjithshme Sandra Mason: “Barbadianët duan një Kryetar Shteti të Barbados. Kjo është deklarata përfundimtare e besimit në atë që jemi dhe në atë që jemi të aftë të arrijmë. ”

Pas njoftimit, një tifoz tha: Është koha që Barbados të heqë Mbretëreshën Elizabeth si Kryetare e shtetit, në favor të Mbretëreshës Robyn Rihanna.”

Një tjetër tha: “Më në fund. Të gjithë e dinë që Rihanna është sovranja e vërtetë e Barbados ”. 

Një tifoz e quajti zëvendësimin e Mbretëreshës Elizabeta II një “hap të parë të rëndësishëm për instalimin e Rihanna si Perandoresha e Zotit në Barbados”.

Një tjetër shtoi: “Unë e di që nuk jam nga Barbados, kështu që mendimi im nuk ka rëndësi, por unë do të doja të nominoja Rihanna si Kryetar të shtetit Barbadian.”

“Barbados duhet ta bëjnë Rihanna kryetarin e tyre të ri të shtetit,” shkroi një tifoz tjetër.

Thirrja që Rihanna të bëhet kreu i shtetit të vendit mund të mos jetë shumë e largët, pasi artistja ka marrë vlerësime në ishull në vitet e mëparshme.

Në vitin 2017, rruga në të cilën ajo u rrit u quajt gjithashtu Rihanna Drive.

Në 2018, ajo u emërua Ambasadore e Jashtëzakonshme dhe e Plotfuqishme në Barbados, një përgjegjësi kushtuar promovimit të turizmit, arsimit dhe investimeve në vend.

Këtë vit ajo siguroi pajisje PPE dhe mbështetje financiare për vendin ishullor në fillim të pandemisë./Indeksonline/