Federata e Basketbollit pensionon numrin 15 të Kombëtares me emrin e Gazmend Sinanit
Federata e Basketbollit të Kosovës ka vendosur të pensionoi numrin 15, të cilët e mbante basketbollisti Gazmend Sinani, i cili humbi jetën ditë më parë në një aksident rrugor.
Këtë lajm e ka bërë të ditur kryetari i FBK-së, Arben Fetahu i cili ka thënë se numri 15 i Kombëtares do të pensionohet me emrin e tij, raporton Indeksonline.
Sipas tij, atë numër, Sinani ishte i pari që veshi fanellën e Kombëtares me numër 15. dhe atë numë do e mbajë gjithmonë vetëm ai.
“Ishe i pari që veshe fanellën e Kombëtares me numër 15. Atë numër e kërkove prapë pardje. Atë numër do ta mbash përgjithmonë vetëm ti, Gazi jonë. Numri 15 i Kombëtares sonë do të pensionohet me emrin tënd, Gazmend Sinani. Ishe plot jetë Gaz. Ike nga kjo jetë papritmas, por do të mbetesh gjithë në zemrat e të gjithë atyre që të njohën”, thuhet në njoftimin e tij./Indeksonline/