Femrat dominuese në përdorimin e internetit (dokument)

Mbi 98 përqind e ekonomive familjare janë përdorues të Teknologjisë Informative dhe Komunikimit (TIK).

Përdorimi i internetit nga femrat dominon me 51,7%, krahasuar me meshkujt me 48,3%.

Sipas rezultateve të Anketës TIK në Ekonomitë Familjare përqindja e ekonomive familjare që kanë pasur qasje në internet gjatë vitit 2023 është rreth 98,6%.

“Ndërkohë që, 0,8% e ekonomive familjare kanë deklaruar se nuk kanë pasur qasje në internet gjatë vitit 2023. Përdorimi i internetit nga femrat dominon me 51,7%, krahasuar me meshkujt me 48,3%”, thuhet në raportin e ASK-së.

Sipas të dhënave të ASK-së, grup-mosha me përqindjen më të lartë të qasjes në internet është grup mosha 16-24 vjeç me rreth 21,5%, pasuar nga grup-mosha 25-34 vjeç me 21,4%, ndërkohë  me përqindjen më të vogël të qasjes në internet është grup-mosha  65+ me rreth 7,9%.

Sipas Anketës TIK në Ekonomitë Familjare del se 94,8% e individëve kanë përdorur telefon mobil/telefona smart për t’u qasur në internet; 22,1% kanë përdorur laptop; 11,9% kanë përdorur kompjuter/desktop; dhe 9,7% kanë përdorur tablet.

Ndërkohë që, 39,8% e individëve  kanë përdorur pajisje të tjera për të hyrë në internet./Indeksonline/