Festa e Bajramit, Adelina Tahiri publikon portretin familjar
Këngëtarja e njohur Adelina Tahiri ka ndarë me ndjekësit e saj një moment të veçantë familjar në këtë festë të Bajramit. Në një postim në rrjetet sociale, ajo ka publikuar një portret të bukur me bashkëshortin dhe djalin e tyre, duke reflektuar ngrohtësi dhe harmoni familjare.
E veshur me elegancë dhe me një buzëqeshje të ndritshme, Adelina ka shoqëruar postimin e saj me një urim të veçantë për të gjithë ndjekësit: “Gëzuar Fiter Bajramin”, shkruan Indeksonline.
Fotografia e saj ka marrë menjëherë mijëra pëlqime dhe komente nga fansat, të cilët e kanë komplimentuar për portretin e bukur familjar dhe kanë shpërndarë urimet e tyre për festën.
Këngëtarja, e njohur për stilin e saj unik dhe jetën luksoze, ka treguar edhe këtë herë anën e saj familjare dhe përkushtimin ndaj traditave. Postimi i saj është bërë viral, duke sjellë edhe një herë në vëmendje elegancën dhe sharmin e saj në çdo dalje publike./Indeksonline/
