FFK zbulon skuadrat kosovare të cilat i ka licensuar UEFA
FFK ka zbuluar ekipet që janë licencuar për garat evropiane.
Drita, Prishtina, Trepça89 , Liria, Llapi dhe Gjilani janë klubet të cilat janë licencuar, ndërsa ekipet të cilat janë refuzuar janë ekipet si Feronikeli, Vellaznimi, Drenica dhe Flamurtari.
“Këtë edicion prej 12-ve klubeve të Superligës, 10 prej tyre kanë qenë pjesë e procesit, kurse vetëm 2 prej tyre jo. Dy skuadrat të cilat nuk ishin pjesë e këtij procesi janë dy skuadrat të cilat në aspekt sportiv janë larguar në fund të këtij edicioni nga Superliga, Besa dhe Vllaznia ndërkaq të gjitha 10 klubet tjera kanë aplikuar të paktën formalisht për të qenë pjesë e këtij procesi, dhe nga këto 10 klube të cilat kanë aplikuar, gjashtë prej tyre kanë pasur një aplikim të suksesshëm që nënkupton komisioni i shkallës së parë ka vendosu që gjashtë prej këtyre klubeve të marrin licencën për garat e Uefas 2018-19, kurse katër prej tyre janë refuzuar dhe kërkojnë që ta marrin licencën për edicionet e radhës”- deklaroi Bajram Shala.
Për arsyet e refuzimit të katër klubeve nga Superliga ka folur Naim Havolli i cili tregoi se këto klube nuk kanë përmbushur të gjitha kriteret për tu licencuar me sukses. Klubit të Vëllaznimit i mungojnë disa dokumente për katër kritere dhe kanë dorëzuar vetëm disa prej dokumenteve dhe kjo është arsyeja edhe nëse Vëllaznimi fiton Kupën e Kosovës nuk do të jetë në garat e UEFA-s këtë sezon.
“Është refuzuar klubi futbollistik Drenica për mos përmbushjen e tri pikave të ndryshme të rregullores siç janë: kriteri sportiv pika 1, kriteri financiar pika 1, 4, 5, 6, 7 dhe 8 dhe kriteri infrastrukturor. Klubit futbollisti Feronikeli i mungojnë po ashtu tri e më shumë dokumente që dëshmojnë dëshmojnë plotësimin e disa prej pikave në kriteret përkatëse”, tha Havolli. Prishtina dhe Drita cila do që shpallet kampion janë dy klubet që edhe zyrtarisht do të garojnë në garat e UEFA-s por vetëm mbetet të shihet se cila skuadër do të garojë në Ligën e Kampionëve dhe cila në Ligën e Europës. /IndeksOnline/
