Fiat zbulon modelin e ri 500 Hybrid Torino
Fiat ka nisur prodhimin e modelit të ri 500 Hybrid Torino, një version i ri i përshtatur i qytetarit klasik italian, i cili kombinon dizajnin ikonë me teknologji moderne dhe efikasitet.
Ky model i ri përfaqëson rikthimin e Fiat-it me një motor mild-hybrid 1.0 me tre cilindra, i cili zhvillon rreth 65 kuajfuqi dhe ka një konsum mesatar rreth 5,3 l/100 km sipas standartit WLTP, shkruan BILD, transmeton IndeksOnline.
500 Hybrid Torino ndërtohet në fabrikën historike të Fiat-it në Mirafiori, Torino, dhe përfshin detaje ekskluzive të dizajnit dhe pajisje moderne, përfshirë një ekran 10,25” për infotainment, Apple CarPlay dhe Android Auto, si dhe sisteme të avancuara ndihme për drejtuesin.
Ky model simbolizon një urë lidhëse mes traditës dhe së ardhmes së markës, duke ofruar një alternativë të efektshme për përdorim urban me fokus në stil, lidhje teknologjike dhe përvojë komode në drejtim./IndeksOnline/
