Fiken semaforët te ‘Qendra e Studentëve’, shkaktohet tollovi veturash
Kryeqyteti i Kosovës si çdo herë vazhdon të jetë më i frekuentuari dhe me më së shumti probleme në trafik.
Kolonat në pothuajse secilën rrugë janë të pranishme gjithmonë, e aq më shumë të premtave kur shumë qytetarë shkojnë në vendlindjet e tyre, shkruan Indeksonline.
Për ta bërë edhe më tollovi, sot fatkeqësisht semaforët e vendosur te Qendra e Studentëve nuk janë duke funksionuar.
Qytetarët kanë dërguar fotografi në redaksinë e Indeksonline, duke thënë se si pasojë e mospunimit të semaforëve, veturat shumë herë për pak sa nuk janë ndeshur mes vete.
Nuk është hera e parë që semaforët te kjo pjesë e Prishtinës nuk punojnë, duke bërë që të shkaktohen kolona të gjata dhe pritje. /Indeksonline/