Fillon Testi i Maturës, me masa mbrojtëse kundër COVID-19

Ka nisur testi i Maturës në gjithë Kosovën.

Maturantët kanë nisur testimin që nga ora 10:00 nëpër të gjithë territorin e Kosovës, nën përkujdesjen për masat mbrojtëse kundër COVID-19.

Një orë para testit, maturantët është dashur të shkojnë në shkolla ku do të zhvillohej procesi, për t’u future me radhë brenda, dhe duke mbajtur distancën fizike.

Po ashtu, edhe vendet ku janë ulur maturantët është dashur që të kenë distancë me njëra tjetrën.

Testi është organizuar në 30 komuna të vendit, teksa i janë nënshtruar 26 mijë e 669 maturantë.