Ermali dhe Elvana me komedi, shikoni si aktron këngëtarja
Ermal Mamaqi njihet për prezantimin e tij komik dhe aktrimin në emisionin Xing me Ermalin, por duket se talentin do ta shfaqë edhe në mënyrë profesionale në një realizim artistik.
Ai e ka paralajmëruar komedinë ‘2GishtMjaltë’, e cila do të jetë gati në dhjetor, shkruan Indeksonline.
Për më tepër pjesë e komedisë do të jetë edhe këngëtarja, Elvana Gjata, e cila disa herë ka sfiduar veten edhe në aktrim.
Pjesë të aktrimit të Elvanës kemi parë pikërisht në emisionin e Ermal Mamaqit, kur Ermali dhe Elvana patën realizuar një pjesë komike nga një takim çifti.
Komedia pritet të shfaqet në të gjitha kinematë në Shqipëri, ndërsa sigurisht që do të mendojnë edhe për publikun kosovar, ku dyshja ka shumë adhurues. Projektin e ka paralajmëruar edhe këngëtarja gjatë ditës së djeshme./Indeksonline/.