Filmi turk “Miracle in Cell No.7” po thyen rekorde shikueshmëri, aktori në rolin kryesor ka diçka për të thënë

Për të bërë ditët e gjata të mbylljes më argëtuese, Netflix është bërë miku më i mirë i përdoruesve të internetit. 

Dhe ndër filmat më të shikuar aktualisht  në  këtë platformë është “7. Koğuştaki Mucize ”, një film turk me regji nga Mehmet Ada tztekin që u lansua në kinematë në Turqi në vitin 2019.

Ndonëse u publikua në tetor të vitit të kaluar, shikueshmëria e tij është rritur me të madhe javët e fundit në mbarë botën, shkruan Indeksonline.

“Lingo Lingo, Şişeler”. Nëse edhe ju i nënshtroheni këtij filmi, kjo fjali së shpejti do të marrë kuptimin e saj të plotë për ju. 

Ndërsa askush nuk e ka dëgjuar më parë, ky film është jashtëzakonisht i suksesshëm në Netflix dhe në mediat sociale këto javë.

Në rolet kryesore janë Aras Bulut İynemli (Memo) dhe Nisa Sofiya Aksongur (Ova).

Pas suksesit të jashtëzakonshëm, ka reaguar vet personazhi kryesor i filmit Aras Bulut İynemli përmes një postimi në Instagram ku ndiqet nga më shumë se 6.6 milionë persona.

“Udhëtimi i “Mrekullisë në qelinë Nr.7” (7. Koğuştaki Mucize) filloi me dashuri. Ne e donim shumë historinë tonë. Filmi ynë vazhdon të krijojë mrekullinë e tij. Ai arriti te shumë njerëz në të gjithë botën në ditët më të vështira. Le t’i qëndrojmë njëri-tjetrit afër me dashuri. Faleminderit për interesimin tuaj. Qëndroni të shëndetshëm dhe të sigurt”, shkruan 29 vjeçari.

Ndërkohë, Aras është një aktor i njohur dhe shumë i suksesshëm me projekte të shumta filmike dhe seriale./Indeksonline/

View this post on Instagram

The journey of “Miracle in Cell No. 7” (7. Koğuştaki Mucize) started with love. We loved our story so much. Our movie continues to create its own miracle. It reached many people all around the world in the most difficult days. Let's hold on to each other with love. Thank you for your interest. Stay healthy and safe… / 7. Koğuştaki Mucize’nin yolculuğu sevgiyle başladı. Hikayemizi çok sevdik. Filmimiz mucizesini yaratmaya devam ediyor. Bu en zor günlerde dünyada birçok kişiye ulaştı. Sevgiyle bağlanalım birbirimize. İlginiz için teşekkür ederiz. Sağlıklı ve güvende kalın… #miracleincellno7 #yedincikoğuştakimucize #milagroenlacelda7 #lingolingo

A post shared by Aras Bulut İynemli (@iynemliarasbulut) on Apr 2, 2020 at 9:21am PDT