Finalja e Kupës së Kosovës, Komuna e Podujevës organizon transport për tifozët llapjanë

Kryetari i komunës së Podujevës, Shpejtim Bulliqi, ka njoftuar se në finalen e Kupës së Kosovës, do të ketë transport falas për tifozët e klubit.

“Për tifozët llapjanë në mbështetje të futbollistëve tanë, komuna ka organizuar transportin nga stacioni i autobusëve në ora 18:00 për në stadiumin “Fadil Vokrri””, ka shkruar Bulliqi, transmeton Klankosova.tv.

Ai i ka uruar suksese Llapit në këtë përballje, e cila është e vlefshme për dalje në garat evropiane.

“Na bëni krenarë kampiona!” ka shtuar ai.

Llapi sot do të ballafaqohet me Dritën e Gjilait, me fillim në ora 20:00.