Finalja e Ligës së Evropës, Frankfurt-Rangers, formacionet zyrtare

Sonte me fillim nga ora 21:00 do të zhvillohet finalja e parë evropiane e këtij sezoni, ku dy skuadrat Eintracht Frankfurt dhe Rangers do të luftojnë në stadiumin “Ramon Sanchez Pizjuan” për trofeun e Ligës së Evropës.

Në rrugëtimin deri në finale, Frankfurti në çerekfinale e mposhti Barcelonën 4:3, kurse në gjysmëfinale e eliminoi West Hamin me rezultat 3:1, përcjell KosovaPress.

Në anën tjetër, Rangers në çerekfinale e eliminoi Bragan me rezultat 3:2, kurse në gjysmëfinale e mposhti me rezultat të njëjtë, respektivisht 3:2, skuadrën e RB Leipzigut.

Të dy skuadrat nuk janë takuar asnjëherë në të kaluarën, kurse për finalen e sotme raportohet se drejt Sevillas kanë udhëtuar rreth 100,000 tifozë skocezë dhe 50,000 gjermanë.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Frankfurtin nuk do të paraqiten Hinteregger dhe Ramaj, kurse te Rangers mungojnë Hagi, Helander, Morelos dhe Ofoborh.

Formacionet zyrtare:

Eintracht Frankfurt: Trapp, Ndicka, Sow, Kostic, Kamda, Rode, Toure, Borre, Lindstrom, Tuta, Knauff

Rangers:McGregord, Tavernir, Goldson, Bassey, Lundstram. Jaxk, Kamara, Wright, Airbo, Kent