Fituesi i Eurovision-it kthen trofeun, në shenjë proteste kundër pjesëmarrjes së Izraelit

Fituesi i Festivalit të Këngës në Eurovision të vitit të kaluar, Nemo, ka thënë se po e kthen trofeun e tyre – në shenjë proteste për pjesëmarrjen e vazhdueshme të Izraelit në këtë ngjarje.

Këngëtari 26-vjeçar tha se kishte një “konflikt të qartë” midis përfshirjes së Izraelit në konkurs dhe idealeve të “unitetit, përfshirjes dhe dinjitetit” që ky kompeticion thotë se përfaqëson.

Martin Green, drejtor i Konkursit të Këngës në Eurovision, tha se Eurovision ishte “i trishtuar” nga vendimi dhe respektonte pikëpamjet e Nemos, shkruan BBC.

Prania e Izraelit në Eurovision ka qenë një burim tensioni në rritje, për shkak të luftës në Gaza dhe një polemike rreth votimit gjatë eventit të këtij viti.

Pesë vende – Islanda, Spanja, Irlanda, Sllovenia dhe Holanda – kanë njoftuar se do të bojkotojnë eventin e vitit të ardhshëm sepse Izraelit i është lejuar të garojë.