Formula 1, Max Verstappen fitoi në garën e fundit të sezonit 2020
Sezoni i sivjetmë i ndikuar nga koronavirusi përfundoi pas garës së 17-të të mbajtur sot në Abu Dhabi, ndërsa Lewis Hamiltoni fitoi titullin e kampionit për të shtatën herë në karrierën e tij.
Piloti i skuadrës Red Bull, Max Verstappen, fitoi garën e fundit të kampionatit botëror në “Formula 1”, në Emiratet e Bashkuara Arabe (EBA) për Çmimin e Madh të Abu Dhabit.
Verstappeni përfundoi garën me 55 xhiro për 1:36:28 për të vulosur fitoren e dytë të sezonit.
Piloti i Mercedesit, Valtteri Bottas, mbeti 15,97 sekonda pas fituesit, ndërsa shoku i skuadrës së Bottasit, Lewis Hamilton, doli i treti me 18,41 sekonda vonesë.
Sezoni i sivjetmë i ndikuar nga koronavirusi përfundoi pas garës së 17-të të mbajtur sot në Abu Dhabi, ndërsa Lewis Hamiltoni fitoi titullin e kampionit për të shtatën herë në karrierën e tij.
Skuadra e Mercedesit gjithashtu fitoi titullin e konstruktorëve të vitit 2020 për të shtatën herë me radhë.
Renditja e pilotëve 2020:
1. Lewis Hamilton (Britani e Madhe): 347 – kampion
2. Valtteri Bottas (Finlandë): 223
3. Max Verstappen (Holandë): 214
4. Sergio Perez (Meksikë): 125
5. Daniel Ricciardo (Australi): 119
Renditja e konstruktorëve 2020:
1. Mercedes: 573 – kampionë
2. Red Bull Racing: 319
3. McLaren: 202
4. Racing Point: 195
5. Renault: 181
