Fotografi të bëra në kampin e “Auschwitz”, frikë dhe konfuzion në fytyrat e viktimave

Fytyrat e tyre të gdhendura nga frika, fëmijët hebre dhe nënat që mbanin fëmijë të vegjël ecin pa e ditur në fatin e tyre të tmerrshëm.

Këto viktima të pafajshme ishin në mesin e rreth 1.1 milion njerëzve të vrarë nga nazistët në Auschwitz-Birkenau, afër qytetit Oswiecim, në Poloninë e okupuar në atë kohë.

Viktimat në Auschwitz ishin midis 6 milion hebrenjve që u vranë nga forcat e Adolf Hitlerit midis 1941 dhe 1945. Jeta e tyre përkujtohet sot në Ditën Përkujtimore të Holokaustit.

Fotografitë e rralla të bëra në Auschwitz nga rojet SS të Hitlerit tregojnë jo vetëm ardhjen e hebrenjve hungarezë në kamp – në shinat hekurudhore të ndërtuara posaçërisht në 1944 për operacionin e shfarosjes – por radhët e gjata ndërsa prisnin të ecnin në dhomat e gazit.

Në më pak se tre muaj në verën e vitit 1944, gati 400,000 hebrenj hungarezë u vranë në një sistem të pamëshirshëm linje prodhimi tmerri.