Franca do të mobilizojë më shumë ushtarë për njësinë kundër terrorizmit pas sulmit në Moskë

Franca do të rrisë numrin e ushtarëve për njësinë e saj Operacioni Sentinelle, e cila merret me trajtimin e kërcënimeve terroriste.

Njoftimi u dha nga kryeministri i vendit, Gabriel Attal, ndërsa kjo do të bëhet pas sulmit në Moskë, raporton The Guardian.

Attal tha se 4 mijë anëtarë shtesë të ushtrisë do të vihen në gatishmëri për divizionin Sentinelle, në krye të 3 mijë personelit ushtarak tashmë të vendosur për Sentinelle.

Ky divizon ruan vende të tilla si stacionet hekurudhore, vendet e adhurimit, shkollat dhe teatrot në të gjithë vendin.

Të dielën, qeveria franceze ngriti alarmin e saj për terror në nivelin më të lartë pas sulmit në sallën e koncerteve Crocus City në Moskë që la të paktën 137 të vdekur.

Presidenti francez, Emmanuel Macron, ka paralajmëruar Rusinë që të mos fajësojë Kievin për masakrën, duke thënë se një veprim i tillë do të ishte “cinike” dhe “kundërproduktive”.