14:48 / E Enjte, 10 Tetor 2019

Franca, kundër negociatave me Shqipërinë dhe Maqedoninë e Veriut

Ambasadorët që përfaqësojnë qeveritë e Bashkimit Evropian dështuan të bienin dakord nëse blloku duhet të hapë negociatat e anëtarësimit me Shqipërinë dhe Maqedoninë e Veriut, thanë dy burime brenda takimit për “Bloomberg”.

Të dërguarit do të diskutojnë përsëri të premten, përpara një takimi ministror javën e ardhshme në Luksemburg, ku do të merret vendimi, thanë zyrtarët. Ndërsa shumica e vendeve anëtare bien dakord të fillojnë zyrtarisht negociatat e pranimit, Franca ende ka rezerva dhe vendet e tjera duan kushte të bashkangjitura, veçanërisht për Shqipërinë, thanë zyrtarët.

Në takimin e së mërkurës, Franca shkoi deri aty sa ngriti në pikëpyetje të gjithë “metodologjinë” e procesit të zgjerimit, duke kërkuar një shtyrje të vendimit derisa blloku të rishikojë procesin, thanë zyrtarët.