Franca ndërton murin e ‘stilit Donald Trump’ për të parandaluar migrantët që hyjnë në Britani të Madhe

Autoritetet franceze kanë ndërtuar një mur të lartë 10 metra në Calais, si përpjekje për të ndaluar migrantët që hyjnë në Britani.

Pengesa, e cila sapo është vendosur pranë një stacioni të benzinës në qytetin portugal, është krahasuar me projektin presidentit amerikan, Donald Trump në SHBA.

Politikanët pohojnë se është aty për të parandaluar kontrabandistët që të ‘përfitojnë’ nga gjendja e migrantëve, shkruan Metro, transmeton Indeksonline.

Por aktivistët e shumtë kanë thënë se ky mur është i shëmtuar dhe përçarës dhe se ka për qëllim tët reagojë qartë se njerëzit e pambrojtur nuk janë të mirëpritur.

Muri është ndërtuar në një stacion në Calais, pranë portit të trageteve ku anijet shkojnë për në Angli.

Zona thuhet se është një pikë kyçe për takimin e kontrabandistëve të njerëzve të ndryshëm.

Besohet se kjo është hera e parë që një mur i tërë që synon ndalimin e migrimit në Britani është ndërtuar në një zonë problemesh, me një njoftim shumë të shkurtër.

Ky mur ka shkaktuar polemika edhe tek punëtorët lokal në këtë anë duke thënë se është ndjekur shembulli i Trump-it me besimin se muret janë një mënyrë më e mirë për t’u marrë me emigracionin e paligjshëm.

Ndryshe ‘Calais’ ishte një vendbanim i paligjshëm i cili në vitin 2016 kishte arritur kulmin e banorëve me 8 mijë burra, gra e fëmijë.

Shumica dërrmuese e tyre më pas kërkonin azil në Britani të Madhe, kurse tani në Calais ka rreth 600 emigrantë, kryesisht nga Afganistani, Siria dhe Irani./Indeksonline/