Françeska publikon një moment të ëmbël me djalin (foto)

Ish-banorja e edicionit të tretë të “Big Brother VIP”, Françeska Murati, së fundmi ka ndarë me ndjekësit një foto të ëmbël me djalin e saj, Charlie.

Në imazhin e publikuar, modelja e njohur ka treguar se ka nisur pushimet me familjen e saj të vogël, ndërsa po përpiqet që t’i zëvendësojë me ta ditët që qëndroi larg tyre ndërsa mori pjesë në reality show.

Françeska dhe i vogli i saj janë veshur me të zeza, ndërsa duket qartë që ajo po kalon një kohë mjaft të mirë me Chalien.

Kujtojmë që kohët e fundit në rrjet qarkulluan lajme se modelja është shtatzënë për herë të dytë. Një gjë e tillë u mohua nga vetë ajo, duke thënë se nuk është në pritje të ëmbël.

Në darkën private të ditëlindjes së Roza Latit, Julian Deda e pyet troç Françeskën nëse është shtatzënë dhe ajo përgjigjet ‘jo, po pi verë’.