Frymëzim për të gjithë/ Dua Lipa dhe trendi që po dominon verën

Nëse po mendoni të përditësoni gardërobën e plazhit, ka një trend që duket se do të dominojë këtë sezon: bikini me detaje dantelle. Dhe nëse ka një person që e ka vulosur këtë prirje, ajo është Dua Lipa.

Sezoni i bikineve ka nisur zyrtarisht dhe bashkë me të vijnë edhe trendet më të reja. Këtë verë ka alternativa për çdo stil, nga modelet sportive deri tek ato me zbukurime të guximshme. Megjithatë, duket se një model romantik po fiton terren mbi të gjithë të tjerët.

Gjatë pushimeve të saj në Itali, Dua Lipa u fotografua buzë detit teksa luante letra, e veshur me një bikini të verdhë të zbukuruar me dantellë rozë të ndezur. Një kombinim që tërhoqi menjëherë vëmendjen dhe konfirmoi se frymëzimi nga të brendshmet është tashmë pjesë e modës së plazhit.