FSK-ja fiton turneun e futbollit për Ditën Olimpike 2025

Ekipi i Forcës së Sigurisë së Kosovës ka fituar edicionin e 5-të të turneut të mbajtur për shënimin e Ditës Olimpike 2025. FSK-ja në finale mundi Kolegjin AAB.

Vendi i tretë i takoi Policisë së Kosovës. Turneu ishte masiv, pasi për herë të parë morën pjesë 11 ekipe të institucioneve të ndryshme.

Krahas FSK-së, AAB-së e Policisë, pjesëmarrëse ishin edhe ekipet: KOK, MKRS, Komuna e Prishtinës, BKT Kosova, Veteranët e Futbollit, Gazetarët Sportivë, Ambasada e SHBA-ve në Prishtinë dhe Zyra Kombëtare e Auditimit.

Lojtari më i mirë u shpall Afrim Nebihu (FSK), ndërsa portieri Feriz Imeri (FSK). Turneu u zhvillua në stadiumin e Ramiz Sadikut në Prishtinë.