FSK-ja në kërkim të 24-vjeçarit në Shqipëri/ Si u zhduk Jurgen Karaj?

Një kontingjent për kërkim-shpëtim i FSK-së ka arritur në Shqipëri, për të ndihmuar operacionin e kërkimit të 24-vjeçarit, Jurgen Karaj.

Jurgeni ka rënë në rrjedhën e lumit Mat, teksa operacioni i kërkimit po zhvillohet në zonën e Klosit, raporton IndeksOnline.

Njësiti i FSK-së u nis drejt shtetit shqiptar me ftesë të autoriteteve shqiptare dhe me konfirmim të qeverisë së Kosovës.

Misioni i tyre u përshëndet edhe nga presidentja e vendit, Vjosa Osmani.

Zhdukja e Jurgenit fshihet prapa një ngjarjeje tragjike të ndodhur 20 ditë më parë.

Jurgeni dyshohet se, bashkë me mikun e tij, Andi Losha, kishin rënë me veturë në lumë.

Andi arriti të dalë nga lumi, por fatkeqësisht jo edhe Jurgeni.

Ekipe të shumta të autoriteteve shqiptare, përfshirë ato policore , ushtarake e të zjarrfikjes, janë angazhuar tash e 20 ditë në lokalizimin e 24-vjeçarit./IndeksOnline/