Funksionalizohet ndërlidhja midis sistemit të e-Prokurimit dhe sistemit të menaxhimit të financave

Ministria e Financave, Punës dhe Transfereve ka njoftuar se nga muaji gusht do të hyjë në fuqi një mekanizëm i ri që synon të rrisë transparencën dhe disiplinën financiare në menaxhimin e parasë publike.

Ministria e Financave, Punës dhe Transfereve njofton qytetarët se është bërë një hap i rëndësishëm drejt rritjes së transparencës në menaxhimin e parasë publike.

Nga muaji gusht, sistemi i e-Prokurimit dhe sistemi i Thesarit janë të ndërveprueshëm, ku çdo procedurë prokurimi për projekte kapitale mund të nisë vetëm pasi të jetë konfirmuar një zotim buxhetor, qoftë ai vjetor apo shumëvjeçar, duke parandaluar kësisoj shpenzimet pa mbulim financiar.

Ky hap përmirëson ndjeshëm planifikimin e investimeve kapitale dhe garanton që procedurat e Prokurimit të fillojnë vetëm kur fondet përkatëse janë të zotuara dhe të konfirmuara. Gjithashtu, ndërlidhja shmang parregullsitë dhe vonesat, duke ofruar më shumë transparencë për qytetarët dhe rritur efikasitetin në menaxhimin e financave publike.