Fury anulon meçin me Wilderin, kërkon përballjen me Joshuan

Tyson Furi ka konfirmuar se e ka anuluar meçin e planifikuar kundër Doentay Wilderit.

“Mbreti cigan” pretendon se organizatorët nuk arritën të caktonin një datë për ngjarjen dhe tani ai është i lirë të përballet me Anthony Joshuan për titullin e padiskutueshëm të botës.

“Unë mezi prisja ta shkatërroja Wilderin përsëri. Një luftë e shpejtë dhe e lehtë“, ka thënë Fury, shkruan Indeksonline.

“Por Wilderi dhe ekipi i tij po ngatërronin datën. Ata me të vërtetë nuk duan të luftojnë me kampionin linear të peshave të rënda“.

“Ata e dinë se si përfundon. Bota e di se si do të përfundojë: me Wilderin përsëri në tokë“.

“Pastaj ata më pyetën nëse do të pranoja ta shtyja deri në dhjetor. Unë rashë dakord për 19 dhjetor“.

“Pastaj ata u përpoqën ta ndryshonin datën përsëri në vitin e ardhshëm. Unë kam qenë duke u trajnuar. Jam gati. Kur u përpoqën të largoheshin nga 19 dhjetori dhe të shtyheshin për vitin e ardhshëm, mjaftonte. Unë kam lëvizur përpara“.

“Unë jam luftëtari më i mirë në botë. Kampioni linear i peshave të rënda. Dy herë kampion i peshave të rënda. Kampion i peshave të rënda WBC“.

“Dhe para fundit të vitit 2021, unë do të jem njeriu i vetëm në këtë tokë me rrip të peshave të rënda“, përfundoi Tyson Furi.

Anulimi i Fury vjen vetëm një ditë pasi promoteri i tij Bob Arum konfirmoi se plani ishte që mbreti i WBC të luftonte në Britani në dhjetor, dhe pastaj të përballej me Joshua në prill ose maj 2021. /IndeksOnline/