Fushë Kosova shkon në balotazh, për 28 vota nuk fiton LDK

Komuna e Fushë Kosovës do të shkojë në balotazh mes LDK-së dhe VV-së.

As nga numërimi i votave me kusht dhe votave të personave me nevoja të veçanta, Burim Berisha i LDK-së nuk arriti të jetë fitues në raundin e parë të zgjedhjeve.

Indeksonline ka kontaktuar Shtabin e LDK-së në Fushë Kosovë për të mësuar rezultatin përfundimtar.

Sipas tyre, për 28 vota nuk arritën fitore pa balotazh.

Megjithatë, fitoren bindëse besojnë se do ta kenë më 14 nëntor, në raundin e dytë të zgjedhjeve.

Nga numërimi i votave me kusht, Berisha i LDK-së ka marrë 103 vota kurse Enver Bajqinca i VV-së 71 vota./Indeksonline/