Futbolli anglez në zi, ndërron jetë mbrojtësi i famshëm
Ish-mbrojtësi i Swansea Cityt dhe Bristol Rovers, Kevin Austin ka ndërruar jetë, në moshën 45-vjeçare.
Austin, i cili ka bërë 150 paraqitje për Swansean, e ka humbur betejën e tij me kancerin pankreatik në mbrëmjen e së premtes, transmeton IndeksOnline.
Në njoftimin e Swansea Cityt, shkruhet: ”Swansea ka qenë në kontakt me familjen e Kevin, gjatë tretmanit të tij”.
”Ata duan t’ju falënderojnë për mbështetjen e vazhdueshme, por, kërkesa e tyre është që privatësia e tyre të respektohet në këtë kohë”.
Përndryshe, Austin bëri edhe 61 paraqitje për Bristol, gjatë periudhës së tij 2-vjeçare me klubin.
Austin u largua nga Rovers drejt Swanseat, ku ai kaloi momentet e tij më të mira në karrierë./IndeksOnline/