Gafa e televizionit, ngatërron lojtartin e Atleticos me “kokën” rrjetit të drogës
Kanali portugez CMTV ka shkaktuar rrëmuje dhe konfuzion pas transmetimit të një lajmi.
Ata publikuan lajmin se policia kishte arrestuar një ish-futbollist me emrin “Koke” për trafik droge.
Problemi është që e shoqëruan kronikën më foto e lojtarit të Atletico Madrid, Koke Resurreccion.
“Koke është drejtuesi i një rrjeti kriminal,”-u tha në lajm.
Në videon që zgjati më shumë se një minutë lajmi u shoqërua me foton e futbollistit të gabuar.
Në fakt bëhej fjalë për ish-futbollistin spanjoll Sergio Contrera, i cili luajti për Marseille.
Ai u arrestua me dyshimin se drejton një rrjet droge, pasi policia bëri një sërë bastisjesh në jug të Spanjës.
36-vjeçari u arrestua të martën në qytetin bregdetar të Estepona.
Rreth 20 persona ranë në prangat e policisë. Ata zotëronin rreth 1 ton hashash, tha policia duke shtuar se operacioni është ende në vazhdim.
Një burim nga policia tha se Contreras ishte në krye të bandës së drogës.