Garda e FSK-së, ngrit flamurin shtetëror, marrin pjesë Hoti e Osmani

Garda Ceremoniale e Forcës së Sigurisë së Kosovës, me rastin e 13 vjetorit të Pavarësisë së Kosovës, ka bërë ngritjen e flamurit shtetëror në oborrin e Qeverisë.

Në këtë ceremoni të kësaj dite kanë marrë pjesë ushtruesja e detyrës së presidentes, Vjosa Osmani dhe kryeministri në detyrë, Avdullah Hoti, shkruan Indeksonline.

Bëjmë të ditur se disa orë më vonë, saktësisht në ora 12:00, do të mbahet manifestimi qendror i shënimit të 13-vjetorit të Pavarësisë në Forcën e Sigurisë së Kosovës.

Edhe në këtë organizim marrin pjesë u.d. e presidentit, Vjosa Osmani, dhe kryeministri në detyrë, Avdullah Hoti./Indeksonline