Gareth Bale: Unë besoj në UFO, Harry Kane jo – bëni hulumtime
Ish-futbollisti i Kombëtares së Uellsit, Gareth Bale ka befasuar me një deklaratë në lidhje me alienët.
Ai thotë se beson në ekzistimin e jashtëtokësorëve, kurse tregon se nuk arriti ta bindte ish-bashkëlojtarin e tij te Tottenham Hotspur, Harry Kane, shkruan Indeksonline
“Dëshmitë e alienëve janë kudo. Njerëzit duhet të hulumtojnë, është interesante, unë jam mjaft i interesuar. Harry Kane nuk beson, sepse ai nuk ka bërë kërkime. Unë e kam bindur Joe Rodonin, por ai është ende në dyshime. Vështrimet e UFO-ve nuk mund të jenë të rreme”, tha Gareth Bale në një intervistë.
Kujtojmë që Gareth Bale u pensionua nga futbolli gjatë sezonit të kaluar sa ishte pjesë e klubit amerikan, Los Angeles.
34-vjeçari gjatë karrierës së tij ka fituar pesë tituj të UEFA Champions League dhe tri tituj të Spanjës me Real Madridin./Indeksonline/
👽 Gareth Bale: “Evidence of aliens is everywhere. People need to research, it’s interesting, I’m quite into it. [Harry] Kane doesn’t believe because he hasn’t done research. I’ve convinced Joe Rodon but he’s still on the fence, the amount of UFO sightings can’t all be false.” pic.twitter.com/ieBVEFeot8
— Football Tweet ⚽ (@Football__Tweet) June 8, 2024
