Garnacho pasi i bashkohet Chelseat: Ata janë kampionët e botës!

Futbollisti, Alejandro Garnacho është zyrtarizuar te Chelsea, pas ndeshjes ndaj Fulhamit.

Sulmuesi anësor i Kombëtares së Argjentinës, ishte i pranishëm në “Stamford Bridge” sot dhe pa skuadrën e tij të ardhshme duke fituar 2:0 ndaj rivalit londinez, shkruan Indeksonline

Më pas ai u prezantua me fanellën e Bluve të Londrës duke thënë se është tejet i lumtur që iu bashkua Chelseat.

“Është një moment fantastik, për mua dhe familjen time. Mezi pres të luaj. E kam shikuar Kupën e Botës për Klube dhe tani po i bashkohem kampionëve të botës. Ne jemi skuadra më e mirë në botë. Jam i lumtur këtu”, u shpreh Garnacho

Kujtojmë që Chelsea pagoi rreth 40 milionë euro për shërbimet e argjentinasit nga Manchester Unitedi./Indeksonline/