Gati për ‘goditje’, si u shndërrua Georgina nga një dado në femrën më të fuqishme?

Duke qenë se partneri i saj, CR7, është futbollist i famshëm si dhe ka pasuri marramendëse, edhe Georgina ka arritur të krijoj pasuri prej 20 milionë funtesh. Fansat e Georgina Rodriguez janë befasuar nga bota e saj luksoze e pallateve, makinave sportive, jahteve, veshjeve të stilistëve dhe bizhuterive të shtrenjta. Megjithatë jeta e saj nuk ka qenë gjithmonë kaq e pasur.

Sipas ‘The Mail on Sunday’, shtatë vite më parë, kur ajo ishte 20 vjeç, në punën që bënte si dado fitonte vetëm 125 paund në javë, transmeton Indeksonline.

Derisa bënte punën si dado, ajo ishte marrë edhe me mësime me kërcim, pavarësisht pagës së ulët, sepse endërronte për një kthim në Britani.

Rrethanat e modeles spanjolle sigurisht që kanë ndryshuar. Pasi Ronaldo nënshkroi kontrat nga Manchester United këtë verë, ajo mbërriti në Cheshire me katër fëmijët e tyre për të gjetur se fqinjët e saj tani përfshijnë si Wayne Rooney , Raheem Sterling dhe Harry Maguire.

Ajo tashmë është gati të luajë në një serial në Netflix që flet për jetën e saj, si dhe po bëhet gati të promovojë produktet për fansat e saj. Burime pranë zonjës Rodriguez – e cila është gruaja më e fuqishme e Spanjës në mediat sociale, me një sërë marrëveshjesh ndërkombëtare nga grimi Shegum deri te marka zvicerane e kozmetikës Gisada dhe firma italiane e bikinit Efek – thonë se ajo është plotësisht e vendosur për të goditur Britaninë.

Në MB, ajo do të kërkojë të ndërtojë marrëveshje me markën e modës Pretty Little Thing me qendër në Mançester – pjesë e perandorisë Boohoo – dhe kompaninë e jogës me bazë në Mbretërinë e Bashkuar Alo Yoga. Ajo gjithashtu ka filluar të shkruajë postimet e saj në Instagram në anglisht dhe jo në spanjisht (ose të paktën i shkruan në të dyja gjuhët).

Dizajnerët e modës si Gucci po kërkojnë ta veshin atë dhe bizhuteritë luksoze Chopard po i huazojnë asaj diamantet e tyre duke ditur se marka e tyre do të ketë një ekspozim të kërkuar në faqen e çmuar të zonjës Rodriguez në Instagram. Një person i brendshëm i modës tha: ‘Mos u habitni nëse e shihni Georgina në Vogue vitin e ardhshëm. Ajo është e bukur, ka një histori të mrekullueshme për të treguar dhe, më shumë se çdo gjë, ajo është dikush për të cilin njerëzit me të vërtetë kanë filluar të flasin.’

Zonja Rodriguez u takua me Ronaldon, 36 vjeç, pesë vjet më parë ndërsa punonte si shitëse në një dyqan Gucci në Milano.

E lindur në Buenos Aires, zonja Rodriguez u zhvendos në Spanjë me babain Jorge, i cili u burgos për trafik kokaine në vitin 2003 kur ajo ishte vetëm nëntë vjeç. Ai u dënua me 11 vjet burg dhe u lirua në vitin 2013. Pasi babai i saj shkoi në burg, zonja Rodriguez jetoi një jetë modeste me nënën e saj María Hernández dhe motrën Ivana, e cila është bërë vetë një yll i Instagramit.

Kujton zonja Rodriguez, ajo shpesh ndihmonte fqinjët e saj të moshuar të bënin pazaret e tyre./Indeksonline/