Gazetarja sulmohet seksualisht në lidhje direkte
Një gazetareje spanjolle i ka ndodhur e papritura.
Teksa ishte duke raportuar në lidhje direkte lidhur me një grabitje në një qytet të Spanjes, një burrë e ka sulmuar seksualisht, duke i kapur të pasmet.
Ai pastaj është larguar nga kamera.
Nga studioja, gazetarja është pyetur nëse u sulmua seksualisht dhe e njëjta pohoi se rasti ndodhi, me zërin që i dridhej.
Kamera më pas u kthye kah sulmuesi i cili refuzoi të pranojë për gjestin e pahijshëm që bëri çaste më parë.
Ai madje edhe tentoi t’i ledhatojë gazetares flokët, teksa u largua.
Sipas Al Jazeera, i dyshuari është arrestuar minuta më vonë, nën akuzën për “ngacmim seksual”.