Gennaro Gattuso rikthehet në stol, arrin marrëveshjen me skuadrën e re

Gennaro Gattuso do të rikthehet në stol. Sipas mediave italiane bëhet me dije se ish-trajneri i Olympic Marseille ka arritur marrëveshjen me një nga ekipet e Arabisë Saudite.

Bëhet fjalë për Al Tawoon, e cila aktulisht drejtohet nga Pericles Shamuska. Gattuso aktualisht është pa ekip që prej shtatorit të vitit 2023, ku u largua nga skuadra e Olympic Marseille.

Ende nuk bëhen të ditura detajet e kësaj marrëveshje dhe mbetet të presim ditët e ardhshme për të mësuar më shumë mbi këtë pistë. Kujtojmë se aktualisht ekipi i Al Tawoon mban vendin e 4-të në tabelën e klasifikimit në kampionatin arab.